BBC e shpall Valon Berishën lojtarin e ndeshjes

00:27 | 11 Shtator 2019
Trina Galanxhi

Valon Berisha ishte lojtari i ndeshjes, në duelin ndërmjet Anglisë dhe Kosovës. Futbollisti kosovar bëri paraqitje fantastike, ndërsa shënoi edhe dy gola ndaj “Tre Luanëve”

Valon Berisha është rikthyer furishëm tek Përfaqësuesja e Kosovës.

Ylli kosovar u inkuadrua në lojë në pjesën e dytë ndaj Republikës Çeke fundjavën që shkoi, duke asistuar nga korneri për golin e fitores të shënuar nga Mërgim Vojvoda.

Futbollisti i Lazios e shfaqi klasin e tij edhe në ndeshjen e sontme ndaj Anglisë, ku shënoi dy gola dhe bëri lojë të shkëlqyeshme gjatë tërë ndeshjes.

Me këtë rast, gjiganti mediatik britanik BBC e ka zgjedhur futbollistin e lindur dhe rritur në Norvegji si futbollistin më të mirë të ndeshjes, duke e vlerësuar atë me notën 7.54.

Shpërndaje në rrjete sociale

Lajmet më të lexuara

Të ngjashme

Foto lajm